ગુજરાતે પોઇન્ટ્સ ટેબલમાં ટોચ પર વધુ સ્થાન મજબૂત કર્યું:કોલકાતાને 39 રનથી હરાવ્યું: પ્રસિદ્ધ અને રાશિદને 2-2 વિકેટ, શુભમન અને સુદર્શને ફિફ્ટી ફટકારી

ગુજરાતે પોઇન્ટ્સ ટેબલમાં ટોચ પર વધુ સ્થાન મજબૂત કર્યું:કોલકાતાને 39 રનથી હરાવ્યું: પ્રસિદ્ધ અને રાશિદને 2-2 વિકેટ, શુભમન અને સુદર્શને ફિફ્ટી ફટકારી

KKR vs GT, IPL 2025 : આઇપીએલ 2025માં આજે (21 એપ્રિલ) કોલકાતા નાઇટ રાઇડર્સ (KKR) અને ગુજરાત ટાઇટન્સ (GT) વચ્ચે મેચ રમાઇ હતી. આ મેચમાં ગુજરાત ટાઇટન્સે કોલકાતા નાઇટ રાઇડર્સને 39 રનથી હરાવ્યું છે. બંને ટીમો વચ્ચે કોલકાતાના ઇડન ગાર્ડન્સમાં મેચ રમાઇ હતી. આમ ગુજરાતે કોલકાતાને તેના જ હોમ ગ્રાઉન્ડમાં ધૂળ ચટાડી છે. આ મેચમાં કેકેઆરએ ટોસ જીતીને પહેલા બોલિંગ કરવાનો નિર્ણય લીધો હતો. જે પછી ગુજરાતે પહેલા બેટિંગ કરીને 199 રનનો ટાર્ગેટ આપ્યો હતો. જેના જવાબમાં કેકેઆર માત્ર 159 રન જ બનાવી શકી હતી.

મેચમાં ગુજરાતનું પ્રદર્શન

પહેલા બેટિંગ કરવા ઉતરેલી ગુજરાત ટાઇટન્સની શરૂઆત સારી રહી હતી. ઓપનર બેટર શુભમન ગિલે તોફાની બેટિંગ કરીને 55 બોલમાં 90 રન ફટકાર્યા હતા. આ સિવાય સાંઇ સુદર્શને 36 બોલમાં 52 રન અને જોસ બટલરે 23 બોલમાં અણનમ 41 રન બનાવી કેકેઆર સામે વિશાળ સ્કોર મૂકવામાં મોટો ફાળો આપ્યો હતો. આમ ગુજરાતે ત્રણ વિકેટ ગુમાવીને કેકેઆરને 199 રનનો ટાર્ગેટ આપ્યો હતો. બોલિંગની વાત કરીએ તો ગુજરાત તરફથી રાશિદ ખાન અને પ્રસિદ્ધ કૃષ્ણાએ 2-2 વિકેટ ઝડપી હતી. આ સિવાય અન્ય બોલરોએ પણ એક-એક વિકેટ ઝડપી હતી. આમ ગુજરાતની બોલિંગમાં પણ જબરદસ્ત હોવાથી કેકેઆર માત્ર 159 રન જ બનાવી શકી હતી.

ઉત્તમ બોલિંગના આધારે, ગુજરાત ટાઇટન્સે IPLની 18મી સીઝનમાં છઠ્ઠી મેચ જીતી લીધી. ટીમે કોલકાતા નાઈટ રાઈડર્સને 39 રનથી હરાવ્યું, આ સાથે ટાઇટન્સ પોઈન્ટ ટેબલમાં પણ ટોચ પર વધુ સ્થાન મજબૂત કર્યું છે. પ્રસિદ્ધ ક્રિષ્ના અને રાશિદ ખાને 2-2 વિકેટ લીધી હતી. કેપ્ટન શુભમન ગિલે 90 રન બનાવ્યા.

કોલકાતાએ ઈડન ગાર્ડન્સ સ્ટેડિયમમાં બોલિંગ કરવાનું પસંદ કર્યું. ગુજરાતે 3 વિકેટ ગુમાવીને 198 રન બનાવ્યા. સાઈ સુદર્શને 52 અને જોસ બટલરે 41 રન બનાવ્યા. જવાબમાં, KKR 8 વિકેટ ગુમાવીને માત્ર 159 રન જ બનાવી શક્યું. કેપ્ટન અજિંક્ય રહાણેએ 50 રન બનાવ્યા.

પોઇન્ટ ટેબલમાં ફેરફાર

કેકેઆર સામે ભવ્ય જીત સાથે ગુજરાત ટાઇટન્સે ટોચના સ્થાને છે. ગુજરાતે IPL 2025 માં અત્યાર સુધી 8 માંથી 6 મેચ જીતી છે. બીજી બાજુ કોલકાતાને આ હારથી નુકસાન થયું છે. કોલકાતાની ટીમ છઠ્ઠા પરથી સાતમા સ્થાને આવી ગઇ છે. કેકઆરએ IPL 2025 માં અત્યાર સુધી 8 માંથી ત્રણ મેચો જીતી છે.